:: Lustrum Revu ::

Yn de Lustrumwike sil der op sneon 16 April in wiere Bernlef-Revu opfierd wurde yn Huize Maas oan de Fiskmerke. Yn Maaie 2004 waard útein setten mei de hjirfoar spesjaal yn it libben roppen LustrumRevukommisje. Ideeën waarden spuid, skripts waarden skreaun en spilers waarden socht. Op dit stuit binne der sa’n 20 Bernleffers harren al moannen yn it swit oan it wurkjen om op 16 April in spetterjend spektakel del te setten. It publyk sil oardel oere lang fermakke wurde mei toanielspul, spesjale effekten en sjongerij, wêrmei it wiere geheim fan Bernlef út droegen wurdt. De revu hat dan ek de mysterieuze titel ‘Ít Geheim fan Bernlef’ krigen en wat it krekt ynhâldt, sille wy no noch net ferklappe. Wol kinne wy kwyt dat it ferhaal him ôfspilet rûn de Alde Bernlef en Widdo Joustra dy’t dea wienen of dochs net hielendal?....